SARANGANI – Gikalipay sa lokal nga panggamhanan sa Sarangani Province human nga nakapasa sa national validation nga gipahigayon sa DILG alang sa Seal of Good Local Governance (SGLG) sa miaging adlaw.
Matud ni Sarangani Governor Ruel Pacquiao, mapasalamotan siya nga nakuha ang maong award human nga opisyal nga mag-qualify sa gihan-ay nga mga indicators og requirements sa mga evaluators.
Lakip sa mga basehanan ang mga hisgutanan sa sustainability and finacial administration, disaster preparedness, social protection and sensitivity, health compliance and responsiveness, sustainable education, business friendliness and competitiveness, Peace and order, tourism heritage development culture and arts ug uban pa.
Sa miaging July 23 natigayon ang regional assessment.
Gipasalamatan ni Gov. Pacquiao ang pagkugi og paningkamot sa mga Department Heads og mga empleyado sa Sarangani aron nga makuha ang maong award.
Sa pamahayag sa nasampit, sa karon ilaha na lang ginapaabot ang official documents nga pirmado ni DILG Secretary Benhur Abalos bahin sa maong award.
Ang SGLG ang nailhan kanhi nga Seal of Good Housekeeping nga gilusad kaniadtong 2014 pinaagi ni late Secretary Jessie Robredo ug gipaila-ila kaniadtong 2010 aron i-promote ang transparency ug accountability sa LGU operations.
