GENERAL SANTOS CITY – Nanawagan ang lokal nga panggamhanan ning dakbayan ngadto sa publiko, alang sa mga buot maghatag ug hinabang alang sa mga biktima sa kagubot sa Marawi City.
Katambayayong matud pa sa LGU-Gensan ang buhatan ni Senator Manny Pacquiao.
Sa pagkakaron nahimong drop-off point sa mga hinabang ang Sangguniang Panglungsod, kung asa gikatakda matud pang ihatod ang natigom nga donasyon ngadto sa mga biktima sa Marawi crisis, sa adlaw’ng Biyernes.
Apan ang mga buot muapas ug hatag ang mahimo matud pang makahatag ug dugang, sama sa mga de lata, noodles, biscuits, hygiene kits ug uban pa.
Sa karon aduna na matud pay dul-an 300 nga naka-pack na, samtang 420 packs sa relief goods ang target nga mapadala sa LGU-Gensan.
Ang kinsa mang buot mag-donate ang mahimong makig-alayon sa Sangguniang Panglungsod, aron mapadangat ang mga relief goods.
