GENERAL SANTOS CITY – Ginatutukan sa LGU Gensan ang habitual tardiness kon pagtinamad sa mga empliyado sa dakbayan.
Matud ni Atty Doan Balboa sa City Mayors Office nga mikuha na ug kopya sa DTRsa mga empliyado gikan Enero hangtud Hunyo.
Tumong niini aron mahibaw-an ang mga empliyado nga kanunay maulahi pagsulod sa ilang trabaho.
Matag empliyado nga wala magsulod on time ang pangayu-an ug valid nga rason nganong kanunay nga maulahi sa pagsulod sa trabaho.
Samtang gipasalig niini nga magpahigayon ug hearing sa nahisgutang mga empliyado.
Gani duha ka semana gikan karon ipatawag ang naasoy nga mga empliyado lakip usab ang ilang mga department heads.
Kung subli nga himuon gihapon sa mga empliyado mas bug-at na nga silot ang ipahamtang mao ang dismissal sa serbisyo.
