Magkauban nga nagbansay ang mag-amahan nga Lebron og Bronny James dungan sa nagkaduol nga pag-abli sa 2024-2025 Season sa National Basketball Association (NBA).
Bisag wala pa opisyal nga nagsugod ang team workout sa Los Angeles Lakers alang sa pag-abli sa bag-ong season, nagsugod na ang mag-amahan sa ilang training kauban ang pipila ka training staff sa LA.
Human ang pagdula ni Lebron sa Team USA niadtong Paris Olympics, nagbakasyon una siya og duha ka semana.
Gilayon siya nga mibalik sa practice makalabay ang pipila ka semana, kauban ang iyang anak og teammate.
Ang dungan nga pagdula sa mag-amahan ilawom sa usa ka team labing una nga mahitabo sa kasaysayan sa NBA.
Sa kasamtangan, wala pay gipagawas nga plano ang LA kung kanus-a makita sa fans ang dungan nga pagdula sa mag-amahan.
Hinuon, gisulayan na sa duha ang pickup game, switching, passing, og uban pang ‘play’ nga nanginahanglan og nindot nga koneksyon og koordinasyon tali sa duha o mas sobra pa nga player.
Sa kasamtangan, 19 anyos ang 6’2 nga si Bronny samtang ang iyang amahan, 39 anyos.
