Usa ka kumpanya nga nakabase sa London ang nakamugna ug usa ka bag-o nga teknolohiya nga posible nga maka pildi sa mga refrigerator! ngano kaha? Kani oh…
Gipailaila sa Delta H Innovations ang “Cool Can”, ang una nga self-cooling aluminum can sa kalibutan.
Sa simple nga pag pindot sa ilawom sa lata , mubugnaw na ang unod niini hangtud sa 6-7 degrees Celsius ug ug magpabiling tugnaw sulod sa 45 minutos nga walay paggamit sa kuryente , refrigerator ug ice! .
Mobugnaw kini tungod ang base sa lata ang adunay nakatago nga butanganan ug tubig . Ug kung pinduton ang button, manaog ang tubig sa tunga sa double-layered wall sa lata, kung asa adunay espesyal nga asin nga hinungdan sa paspas nga pagpabugnaw.
Dugang pa nga adunay indicator ang lata nga naga ba-go ug kolor gikan puti paingon sa kolor blue kung bugnaw na kini .
Matod sa founder sa Delta H Innovations nga si James Vyse, mokabat sa 10 minutos ang pag-inom sa ilimnon aron makaabot sa pinakabugnaw nga temperatura, depende sa klima.
Apan tungod sa disenyo niini, mas dugay nga bugnaw ang ilimnon kon itandi sa ordinaryong lata.
Bisan wala pa kini ginabaligya sa merkado, nakigsabot na ang kompanya sa mga dagkong brand sa softdrinks ug energy drink aron maapil kini nga teknolohiya sa ilang mga produkto.
Nagplano usab sila nga sulayan ang Cool Can sa mga festival sa musika karong umaabot nga ting-init.
