Usa ka daredevil stuntman sa Austria ang nibira na usab og awto samtang nasunog ang tibuok niyang lawas! Si Josef Tödtling, nga mas nailhan nga “Burning Joe” tungod sa iyang reputasyon sa full body burn stunts, nahimong unang tawo nga nakatala sa fastest 100 meter car pull in full body burn .”
Nahimo niya kini sulod lang sa 56.42 segundos sa Vienna niadtong Hunyo 24.
Sa usa ka makabungog nga video, makita nga gigamit ni Josef ang tanan niyang kusog sa pagbira sa usa ka awto gikan sa dalan samtang ang iyang lawas gilamoy sa kalayo.
Usa ka tawo nga adunay fire extinguisher ang nagbarog sa iyang kiliran, andam nga molihok kung adunay mahitabo sa iyang stunt.
Human makaabot sa tumoy sa 100 metros, nahulog siya sa yuta ug daling napalong sa iyang mga kauban ang kalayo.
