GENERAL SANTOS CITY– Patay ang usa ka suspek sa pagpanglugos sa usa ka menor de edad human nga nakigpinusilay sa mga otoridad.
Base sa report, giila ang ang suspek nga si Daryll Gallo Estillore.
Misumbong matud pa ang biktima sa iyang magulang nga lalaki og gilayon kini nga nakig-alayon sa kapulisan.
Gipahigayon sa mga otoridad ang hot pursuit operation sa Zone 1, Town Site, Barangay Buayan, ning dakbayan.
Samtang padulong ang mga otoridad sa balay sa suspek namusil ang nasampit hinungdan nga gibalusan nga nagresulta sa iyang kamatayon.
Narekober sa crime scene ang 22 calibre nga armas ug mga bala.
Nadala pa sa balay tambalanan ang supect apan gidineklara kini nga dead on arrival sa mga doctor.
Nasayran nga tulo ka higayon nga nilugos sa suspek ang 16 anyos nga biktima.
