Malas ang misangpot sa usa ka Brazilian nga motorista human nasakpan sa CCTV footage ang iyang pagdaob sa iyang Porsche sports car aron unta mulukat kini sa insurance money.
Gikataho nga niadtong Oktubre 5, ang Civil Police sa Paraná, Brazil kay gi-contact sa usa ka lalaki kinsa miangkon nga gipara daw kini gog mga armadong sibilyan nga misulod sa iyang sakyanan nga Porsche 911 Carrera sa wala pa gimaneho kini sa bukirang bahin sa Lapa ug gisunog.
Giangkon sa lalaki nga naluwas ra siya sa sunog kay daling gibira siya sa mga nanglabay nga pedestrian nga nakadungog sa iyang syagit sa nasunog niyang behikulo nga nakahiagom pa gani kini og paso sa lawas.
Gisaysay pud niya sa kapulisan nga wala niya nailhi ang mga mitulisok kaniya apan pangangkon pa nga patyon daw kini siya.
Kini ang nakapa-aghat og paglusad sa imbestigasyon sa kapulisan sa maong makahibulong nga panghitabo.
Sa dihang nakakuha na og mga ebidensya ang mga awtoridad, unsang pagka-unsaa nga minugna ra sa daw biktima ang istorya ug nasakpan pa nga siya mismo ang midaob ang iyang sports car sa usa ka tugkaran sa maong dapit.
Asoy pa sa imbestigasyon nga gidaoban sa lalaki iyang kotse aron makakuha og insurance money sa balor nga $120,000 USD aron ibayad nga iyang utang sa buhis.
