Labing menos 17 ka mga estudyante namatay human nasunog ang dormitoryo sa sentro sa Kenya

Labing menos 17 ka mga estudyante ang namatay human nasunog ang usa ka dormitoryo sa usa ka elementarya sa sentro sa Kenya.

Ang insidente nahitabo sa Hillside Endarasha Academy sa Kieni, Nyeri county.

Sumala sa mga awtoridad, 14 ka mga tawo usab ang nasamdan sa insidente.

Dili hingpit nga mailhan ang mga biktima tungod sa sobrang pagsunog sa mga patayng lawas.

Gisusi pa sa mga otoridad ang hinungdan sa sunog.

Base sa assessment sa education ministry sa Kenya nga adunay 824 ka mga tinun-an ang na-enrol sa maong tunghaan nga gilangkuban sa 402 ka lalaki ug 422 ka babaye.

Si Deputy President Rigathi Gachagua miingon nga adunay 70 pa ka mga bata nga wala maihap.