Labaw sa GSCPO nagpahimangno saiyang han-ay nga likayan ang pagkalambigit sa extortion o ilegal nga aktibidad

Nagpahimangno si PCol. Nicomedes Olaivar Jr. ang City Director sa General Santos City Police Office nga kinahanglan wala pulis saiyang han-ay ang malambigit sa extortion o bisan unsa ilegal nga aktibidad nga makadaot sa imahe sa kapulisan sa GSCPO.

Gimandoan na usab ni PCol. Olaivar ang mga station commanders nga monitoron ang ilang mga sakop aron nga ma pakgang gilayon ang mga dautan nga ginabuhat sa pipila ka mga pulis.

Sumala pa sa opisyal nga tumong sa GSCPO nga mag serbisyo ug mamintina ang kalinaw sa Gensan.

Kahinumduman nga sa milabayng adlaw 5 ka pulis sa Tambler Police Station ang nalambigit sa alleged extortion activity human nga gireklamo ang mga nasampit sa usa ka reklamante nga gipangayuan matod pa ug P50.