GENERAL SANTOS CITY – Gilayon nga gidala sa Lanton City jail ang kanhi lider sa grupong ILAGA nga si Norberto Manero Jr. Alias kumander Bukay human gipresenta sa korte human maaresto sulod sa Criminal Investigation and Detection Group 12 kagahapong adlawa.
Gikumpirma ni Police Supt. Elmer Guevarra nga kagahapong adlawa miabut sa ilang buhatan si Kumander Bukay aron sa pagpangayu unta ug papeles sa kaso apan naatul nga naa sa ilang buhatan ang Warrant of Arrest gikan sa Regional Trial Court branch 23 sa kaso nga murder ug attempted Murder.
Gibutyag sa opisyal nga wala na musupak pa si Manero, 71 anyos nga residente sa LLido Subdivision Lagao ning dakbayan ug gidawat ang kamandu-an sa korte.
Human mapresenta sa korte gidiretso na kini sa Lanton City Jail.
Gawas kang Manero laing lima pa ka suspek ang gipangita nga nalambigit usab sa kaso.
