GENERAL SANTOS CITY – Trabaho sa Konseho nga tutukan ang gipaaprubahan nga tulo ka bilyon ka pesos kapin nga budget nga gamiton sa syudad sa sunod tuig.
Matud ni Atty. Rey Cartojano, co Anchor sa programa nga Duralex Sedlex nga angayan matutukan asa idapat kini nga pundo luyo nga hilabihan kadako ang gipangayo nga budget.
Usa sa gisugyot ni Atty. Cartojano nga ipahibalo sa katawhan pinaagi sa social media ang mga nag-unang proyekto nga himuon sa syudad nga highly urbanized city.
Kini aron masayod ang katawhan sa unsa nga proyekto idapat ang naasoy nga pundo luyo nga desisyunan pa sa Konseho ang gipangayo nga budget.
Kahinumduman nga gipapha ni Konsehal Edmar Yumang ang usa ka milyon nga budget alang sa pagkaon ug snacks sa seminar sa usa ka departamento.
Nakita matud pa nga gipatongan ang orihinal nga presyo sa catering services hinungdan nga nahimong milyon ang budget.
Una ng gipaniguro ni Konsehal Yumang nga li-li-on ang mga budget proposal alang sa 2024 una niini pirmahan isip Chairman sa committee on Finance.
