Ginahugway sa kadaghanan sa mga eksperto nga usa ka escalation sa gyera sa Middle East ang bag-o lang nahitabo nga pag-atake sa Estados Unidos sa Amerika sa Kharg Island sa Iran.

Sa mismo pahayag ni US President Donald Trump, gitawag ang maong isla nga “crown jewel” sa Iran nga timaan kun unsa kini ka-importante para sa Tehran.

Nahimutang kini nga isla sa northern end sa Gulf nga duol sa syudad sa Bushehr.

Kini nga lima ka milya nga coral island sa Persian Gulf ang makit-an 27 milya gikan sa mainland. Gi-establisar kini kanhi sa US oil conglomerate nga Amoco og giangkon sa Iran kaniadtong 1979 revolution.

Tipikal nga 1.3m hangtod 1.6m barrels sa lana kada adlaw ang nagaagi sa Kharg subay sa investment bank nga JP Morgan.

Sa dihang gipaabot ang gubat, dugang nga 18 milion nga bariles ang gitipigan sa Kharg isip backup.

Hapit 90% sa mga eksport sa lana sa Iran moagi sa maong isla. Ang krudo gikarga sa mga tanker ug dayon diretso sa Gulf sa Strait of Hormuz, ug sa mga merkado hangtod sa China. Kini nga isla giisip nga “labing sensitibo nga target sa ekonomiya.”

Ang gubat sa Middle East milungtad og duha ka semana sa wala pa nakahukom ang US nga atakehon ang terminal sa eksport, apan sumala ni Trump, gihimong prayoridad nila ang mga target sa militar ug wala nila hikapa ang imprastraktura sa lana.

Pananglitan, ang Iran dili motuo nga ablihan niini ang Strait of Hormuz aron makahatag og daghang suplay sa lana, ang US nagpasidaan nga ilang bombahan ang mga pasilidad sa lana sa Kharg.