Katabang– gidakop human giingong nagbutang ug ihi sa pagkaon sa iyang amo didto sa India

Gidakop sa mga otoridad ang usa ka katabang sa India human nasakpan nga nagbutang og sekretong mga sagol sa pagkaon sa iyang mga amo.

Matod sa mga otoridad, ang katabang nga si Rina gireklamo sa iyang amo kay nagtuo siya nga gihiloan sila kay silang tanan adunay problema sa atay.

Nabutyag ang sekreto sa katabang sa dihang ang amo ni Rina nagbutang ug camera sa ilang kusina aron masubay ang iyang pagluto.

Matud pa sa mga otoridad nga dinhi nila nabantayan nga gibutangan niya ang pagkaon ug ihi ang pagkaon nga iyahang gina luto.

Gihimakak ni Rina ang pasangil apan nagpakahilom lang dihang gipakita kaniya ang video. Dili makatuo ang amo ilabi na nga walo na ka tuig nila nga kusinera si Rina.