GENERAL SANTOS CITY – Gipanghimakak sa kapulisan ang nagkatag nga post sa social media nga may nahitabo nga kidnapping sa Polomolok, South Cotabato ug silingan nga mga dapit.
Kini human mihatag ug negatibo nga implikasyon sa mga residente sa lugar ang walay basihan nga taho.
Matud ni Police Lt. Col. John Ric Medel nga dili tinuod ug walay basihan ang giingong pagpangdagit nga gani dili verified report ang nahisgutan.
Matud ni Medel nga ilang nasabtan nga paspas mukatag ang publication busa ila dayon nga gikontra ang mihimo niini.
Gihangyo pa niini ang mihimno sa sayop nga impormasyon nga mahimong responsable sa pagpakatag ug balita ug siguraduhon nga dili maghatag ug kakulba sa publiko.
Gipasidan-an usab niini ang mihimo sa sayop nga balita nga hunungon na ang pagpakatag niini samtang gipaniguro nga manubag ang kinsa mang responsable.
Giawhag hinuon niini ang publiko nga mag vigilante ug ireport ang mga kadudahan nga aktibidad sa mga otoridad.
Dili padala sa sayop nga impormasyon hinuon mutabangt aron mamintina ang kahusay ug kalinaw sa lugar.
Kahinumduman nga migawas usab ang dili tinuod nga taho nga adunay van nga gapangdagit ug bata nga naglibut sa naasoy nga lugar.
