GENERAL SANTOS CITY – Miapila si P/ Supt. Major Rissa Hernaez, tigpamaba sa General Santos City Police Office (GCSPO) sa publiko nga sundon ang mga patakaran batok sa COVID 19 aron nga makontrola ang pagdaghan sa virus.
Matud pa kang Hernaez nga dili hulaton nga sitahon sa mga pulis una nga magsunod sa mga health protocols.
Sumala pa niini nga dili sa tanang oras anaa ang mga pulis nga magtutok sa publiko.
Tungod niini iyang gihingusgan nga angayang magtinabangay sa pagsunod sa mga patakaran aron maoy ikatampo sa pagpakgang sa pagdaghan sa virus .
Sa pamahayag niini nga sa sitwasyon karon angayang magsakprisyo alang sa interes sa tanan tungod walay exempted sa virus.
Angayang mahimong disiplinado ang tanan sa pagsunod sa mga protocols aron mas mahimong gaan ang trabaho sa matag usa.
