GENERAL SANTOS CITY – Miapila ang kapulisan sa publiko nga kung nabiktima sa usa ka babaye nga nagapangayo og salapi sa mga adunay kaso aron mapadali ang pagbasura niini nga napasang-at sa piskalya angayang makig-alayon sa kapulisan.
Sa gipahigayong entrapment nga operasyon nga gikasa sa kapulisan sa pagpanguna ni P/Major Ananias Vasquez sa presinto 4 ning siyudad malampuson nga nadakpan ang usa ka Joy Udtuhan nga lumupyo sa Diaz Subd. Barangay Lagao ning siyudad.
Base sa impormasyon sa kapulisan nga midangop ang mga reklamante sa ilang buhatan kalabutan sa modus operandi sa maong suspek nga mangayo og dakong salapi sa mga biktima aron mapadali ang pagbasura sa ilang kasong giatubang.
Gumikan sa pasalig niini nga aduna siyay mga kaila sulod sa City Prosecutors Office.
Apan nasuta nga ang nasampit nga kalihokan ang walay kamatuoran sa rason nga pipila na ka semana nga nakabayad ang bikitma wala pa man magdagan ang kaso nga kini mabasura.
Nangayo una og pakitabang ang mga bikitma sa prosecutors office og gidangop ang nasampit nga reklamo ngadto sa atong kapulisan nga miresulta sa pagdakop sa maong babaye human nga gidawat ang P100, nga adunay flourescent powder gikan sa reklamante.
Kasamtangan balhog sa selda sa San Isidro Police Station ang maong dinakpan.
