GENERAL SANTOS CITY – Kung kaniadto walay ebedinsya nga nahuptan ang kapulisan karon aduna na aron makapasaka ug kaso ng murder batuk sa usa ka Pulis nga nakapusil patay sa usa ka mananagat.
Kini ang nahimong pahayag ni Police Regional Office 12 Director Brig Gen. Jimili Macaraeg kalabut sa pagkaaresto kang Corporal Ekinne Tangcawan Semilla nga nadestino sa Palembang Municipal Police Station.
Matud ni General Macaraeg nga kaniadtong December 2023 nalambigit na si Corporal Semilla sa kagubot nga natigayon diha sa Purok Saeg Calumpang apan wala mulig-on ang reklamo tungod walay ebidensya nga nakuha ang Internal Affairs Service.
Gipaklaro ni Macaraeg nga naaresto didto sa Palembang SK si Semilla sa hot pursuit operation sa kapulisan miaging gabii.
Kahinumduman miaging gabii nalambigit sa kagubot si Semilla.
Kahinumduman nga nagkauban nga nag-inom ang suspek nga pulis nga si Semilla og ang biktimang si Marvin Bahian, 19 anyos sa videoke bar.
Gani sa usa ka video post makita nga ginapasakitan sa Pulis ang biktima pinaagi sa pagsagpa.
Dihang migakos ang biktima ngadto sa Pulis dungan sa pag-ilog ang Pusil niini ug giti-on ngadto sa Pulis.
Ang mga residente mihangyo sa biktima nga ibalik ang pusil ngadto kang Semilla nga nagresulta sa pagpamusil patay sa biktima.
