GENSAN– Magbutang ang lokal nga panggamhanan og ‘designated area’ kon lugar kung diin gitugotan lamang ang pagbaligya og legal nga mga pabuto.
Alayon niini, giawhag sa mga kapulisan nga sa maong lugar lang usab magpalit og mga pabuto alang sa pagsaulog sa Pasko og pagsugat sa Bag-ong Tuig aron sigurado nga legal nga mga pabuto ang mapalit.
Nanawagan si Police Col. Nicomedes Olaivar Jr., City Director sa General Santos City Police Office, sa kooperasyon sa katawhan aron luwas ang pagsaulog atol sa Holiday season. Kung dili malikayan ang maggamit og mga pabuto, siguruhon nga didto magpalit sa mga lehitimo nga puwesto.
Dugang ni Olaivar nga palig-onon nila ang operasyon batok sa illegal nga mga pabuto.
Gi-awhag ang katawhan nga motabang sa pagbantay sa palibot ug dayon i-report kung aduna silay masayran nga ilegal nga mamaligya og pabuto.
