Gitugyan sa Bureau of Customs-Subport Gensan ang smuggled cigarettes nga nakumpiska sa kapulisan sa ilang gipahigayong checkpoint operation sa Sitio Seguil, Brgy. Tinoto, Maasim, Sarangani Province.
Matud pa ni P/Col. Deanry Francisco, Provincial Director sa Sarangani Police Provincial Office (SPPO) nga napara sa kapulisan ang akyanan nga dunay plate number NKB 9898.
Sa pag-inspeksyon, nadiskubrehan sa mga awtoridad pinaagi sa plain view ang 13 ka kahon nga dunay 650 reams sa Canon nga sigarilyo nga adunay kantidad nga 510,000 pesos.
Gisuspetsahan nga usa kini ka smuggled gumikan walay mga dokumento nga magsuporta sa mga dala nga mga sigarilyo.
Ang drayber sa 4-wheeled vehicle giilang si alyas “Sunny”, 32 anyos, residente sa Polomolok, South Cotabato kon asa gidakop kini tungod sa ilegal nga pagbiyahe ug dili awtorisado nga pag distribute sa mga smuggled nga sigarilyo.
