Gisentensiyahan ang 38 ka Overseas Filipino Workers nga nagtrabaho sa lain-laing bahin sa kalibutan og kamatayon.
Kini gipresenta ni Atty. Hans Leo Cacdac ang kasamtangang kalihim sa Departament of Migrant Workers.
Paambit niya nga padayon ang ilang pagmonitor sa mga Pinoy nga silotan sa kamatayon.
Matod niya, kasagaran sa mga nag-atubang og death row cases gikan sa Saudi Arabia o Middle East nga nalambigit sa pagpatay, illegal nga drugas ug uban pang seryosong kaso.
Apan matud pa sa nasangpit nga makasiguro ang kabanay sa mga OFW nga tabangan gihapon sa gobyerno ang mga Pinoy nga gisentensiyahan og kamatayon.
Dugang pa niya nga dili lang legal nga tabang ang ilang igahatag, apan maghatag usab sila og tabang sa ilang mga pamilya.
Sa pagkakaron ila pang gibantayan ang pagpaabot sa resulta sa kaso sa mga Overseas Filipino Workers nga ilang natabangan sa gawas sa nasod.
.
