GENERAL SANTOS CITY –Padayon usab ang mas gipakusgan nga kampanya sa kapulisan batok sa iligal nga droga, dinhi sa dakbayan.
Base sa datos gikan sa GSCPO gikan Enero hangtod Setyembre ning tuiga, mukabat na sa 279.227 gramos sa shabu ug 2.303 gramos sa marijuana ang nakumpiska nga nagkantidad ug P2,187,817.26 sa kinatibuk-an.
Gikan kadto sa 189 ka mga operasyon nga napahigayon, kung asa 37 ka pusher ug 228 ka mga usher ang nasikop.
Samtang, duha ka mga suspek ang napatay human misukol atul sa operasyon, samtang 331 ang kinatibuk-ang kaso ang napasang-at nga may kalabutan sa RA 9165 kon Comprehensive Dangerous Drusg Act of 2002.
Nanguna ang City Drug Enforcement Unit kon CDEU sa labing daghang operasyon nga napahigayon nga may 95, ug nakakumpiska ug halos duha ka milyon nga kantidad sa iligal nga droga.
Misunod ang Fatima Police Station nga may 19, samtang pinaubos ang sa presinto sa Tinagacan nga may upat ka operasyon nga napahigayon, ug upat ang nasikop nga mga suspek.
