Kapin 90 ka aftershocks, natala human ang magnitude 7.2 nga linog sa Sarangani, Davao Occidental

GENERAL SANTOS CITY – Kapin sa 90 ka aftershocks ang natala sa Phivolcs sa katibuk-ang Mindanao human gitay-ug sa 7.2 magnitude nga linog ang Sarangani, Davao Occidental niadtong Sabado.

Basi sa record sa Phivolcs, natala ang mga aftershocks sa GenSan, Sarangani Province, Davao Occidental, Surigao Del Norte, og Lanao Del Sur.

Nasayran nga sa 4.3 magnitude ang pinataas nga natala.

Kagahapon, anaa sa 12 aftershocks ang natala sa GenSan samtang unom sa Sarangani Province.