Balhog Karun sa Fatima Police Station ang usa ka lalaki nga giilang si alyas Ryan human kini nakuhaan ug ilegal nga droga sa kapulisan dihang nag implementar ang search warrant for violation of RA 9165 sa suspek nga giilang si alyas Jun sa Purok 5, Blk 2, Brgy. Fatima kaniadtong Hulyo 15 alas 4:00 sa kadlawon.
Sa inisyal nga imbestigayson nga sa gipahigayong joint operation si alyas Jun ang wala sailang panimalay ug ang iyang anak nga si alyas Ryan ang naaktuhan sa mga otoridad nga adunay dalang ilegal nga droga ug mga drug paraphernalia.
Ang mga nakumpiska nga droga ang adunay timbang nga kapin o kulang 23 grams nga gibana-banaang nagkantidad kini ug P202, 100.
Kasong violation of section 11 and 12 sa Art. 2 sa RA 9165 ang kasong atubangon sa mga nasampit.
