SARANGANI – Gipatawag ni kanhi Senador Manny Pacquiao ang pito ka Mayor sa Sarangani ug gipangumusta ang sitwasyon sa matag munisipyo.
Matud ni Malungon Mayor Teressa Constantino ang presidente Mayor league of the Philippines nga gustong masayran sa kanhi Senador ang sitwasyon sa tibuok probinsya sa nagkaduol nga barangay ug SK elections.
Matud ni Constantino nga matag Mayor ang naghatag ug report sa sitwasyon sa ilang mga barangay nga nasakupan.
Sa maong panagtigum nasuta nga malinawon ang mukapin usa ka gatus ka barangay nga naglangkob sa probinsya sa Sarangani.
Sa pito ka Mayor sa probinsya ang Mayor sa Kiamba ang wala makaabut hinuon naa sa maong panagtipon si Board member Odoy Jamora nga naghatag ug taho kalabutan sa nagkaduol nga pinili-ay sa ilang lugar.
Ang kanhi senador ang maoy lider sa partido pulitika nga gisandigan sa nahisgutang mga opisyal.
