Motapos sailang imbestigasyon ang mga komite sa House of Representatives sa mga isyu sa Philippine Offshore Gaming Operators (POGO), mga iregularidad sa paggasto sa confidential funds, mga paagi sa pagpaubos sa presyo sa pagkaon, ug sa pagkaylap sa fake news.
Mopahigayon ang House quad committee sa ilang final hearing karong Lunes, Hunyo 9, bahin sa mga isyu sa POGO, extrajudicial killings (EJK), money laundering, ginadili nga droga, ug kampanya ni kanhi Presidente Rodrigo Duterte sa war on drugs.
Ang quad committee nagsugod sa ilang imbestigasyon niadtong Agosto 2024 ug naglambigit sa mga POGO nga mahimong gamiton sa pang limpyo sa drug money.
Ang lead chairperson sa quad committee, si Surigao del Norte Rep. Robert Ace Barbers, nagpagawas ug partial committee report niadtong Disyembre 2024.
Gipaabot nga mopagawas ang House Committee on Good Government and Public Accountability og report sa ilang imbestigasyon sa mga kahiwian sa paggamit sa confidential fund ni Bise Presidente Sara Duterte atol sa pagdungog niini niadtong Hunyo 4.
Ang House tri-committee, nga nag-imbestigar sa pagkaylap sa sayop nga impormasyon, mopahigayon sa ilang kataposang pagdungog sa Hunyo 5.
Ang tumong sa komite mao ang pag-umol og mga regulasyon ug pagpanubag sa mga tigmugna sa content.
Sa laing bahin, ang quinta-committee, nailhan usab nga Murang Pagkain super committee, mopahigayon ug hearing karong Hunyo 11.
Tumong sa komite nga mangitag paagi aron mapaus-os ang presyo sa pagkaon ug maseguro nga dili kini mapahimuslan sa mga tag-iya sa negosyo.
Ang sesyon sa Kongreso gibuksan pag-usab kagahapon Lunes, Hunyo 3, ug mo-adjourn sa Hunyo 11, ang katapusan sa ika-19th Congress.
