GENERAL SANTOS CITY- Mahinungdanon nga masabtan sa matag Pilipino kung unsa ang kasaulogan sa EDSA people power revolution.
Matud pa ni City Councilor Casabuena nga ang matag Pilipino ang angayang nakahibalo kung unsa ang nahitabo 31 ka tuig ang nakalabay.
Kahibaluan nga sa maong tuig nahitabo ang rebolusyon nga walay armas og dili maduguon kung asa ang gigamit sa mga nagmartsa nga mga Pilipino mao ang rosaryo og pag-ampo kaniadtong 1986 hinungdan napahawa sa Malakanyang ang diktador nga si kanhi Pangulong Ferdinand Marcos og gipulihan ni anhing Pangulong Cory Aquino.
Matud sa Konsehal nga angayang dili kalimtan sa matag Pilipino nga gumikan sa EDSA revolution nahimong hilway ang gikan sa pagdumala sa diktador.
Kahinumduman nga mukapin duha ka milyon ka tawoang miadto sa Epifanio de los Santos Avenue, kon EDSA sa Kauluhan nga nagsugod ang pagtigum sa kadalanan gikan Pebrero 22 hangtud Pebrero 25, 1986.
