Giangkon ni Dr. Jett Oco, department head sa City Health Office og local IATF incident commander nga daghan sa mga senior citizen nga namatay sa syudad gumikan sa COVID 19 ang wala pay bakuna.
Matud pa ni Dr. Oco nga kini ang hagit kanila kung sa unsa makombinsi ang mga nasampit nga mabakunahan.
Sa iyang pamahayag nga sa ulahing datos nga gipagawas anaa sa 14,698 ang fully vacccinated nga mga senior citizen og 14,187 ang mga nakadawat sa second dose.
Gibutyag ni Dr. Oco nga anaa sa 3,000 hangtud sa 3,500 ang kaya nga mabakunahan sa syudad kada gikan.
Nag-hire ang syudad og mga vaccinators aron nga mahimong paspas ang vaccination rollout.
Nasayran nga dul-an sa 100,000 pa lamang ang fully vaccinated sa dakbayan og kapin sa 124,000 ang nakadawat sa unang dose.
Gibutyag nga gawas sa DOH 12 ang syudad ang may direktang delivery sa bakuna gikan sa national office.
Kahibaluan nga ang dakbayan ang adunay pfizer vaccine na nga nadawat .
