Naghatag og garantiya ang Iran nga paagyin niini nga luwas sa katalagman ang mga barko sa Strait of Hormuz sa sulod sa duha ka semana.
Kini samtang ginaprepara nila ang dayalogo sa Estados Unidos sa Amerika nga tapuson na ang gyera sa Middle East.
“For a period of two weeks, safe passage through the Strait of Hormuz will be possible in coordination with Iran’s Armed Forces and with due consideration of technical limitations,” sumala kayng Foreign Minister Abbas Araghchi sa post niini sa X.
Sa bulag nga statement sa Supreme National Security Council, nag-ingon kini nga posible mulongtad sa duha ka semana ang ilang negosasyon apan posible nga mapalugwayan kun adunay mutual agreement ang magtimbang nga partido.
Kahinumdomna nga una niini, gikumpirma ni US President Donald Trump nga i-suspend una niini ang pag-atake og pagpabomba sa Iran.
Martes sa gabie unta ang deadline nga gihatag niini sa Tehran aron makignegosyar.
Sobra usa ka oras una ang maong deadline, gi-grant ni Trump ang request sa key mediator nga Pakistan nga ipaiway una ang pagpamomba og magpungko pag-usab para sa negosasyon.
