GENSAN– Mipadayag si Gensan City Councilor Jeng Gacal nga kinahanglan ipatawag ug imbestigahan ang mga personalidad nga gitumbok nga nalambigit sa mga anomalya sa mga flood control projects nga nagkantidad og bilyon-bilyon ka pesos.
Matod ni Gacal, dili angay pasagdan ang mga isyu sa ghost projects ug substandard nga mga imprastruktura tungod kay dako kaayo kini nga kadaot sa pondo sa gobyerno ug kaluoy usab kini sa mga katawhan nga angay unta maprotektahan gikan sa pagbaha.
Gidugang pa sa konsehal nga ang maong anomalya nagpakita sa kakulang sa pagbantay sa Department of Public Works and Highways (DPWH) ubos sa liderato sa kanhi kalihim nga si Manuel Bonoan hinungdan angay lamang usab nga siya ag-resign.
Matod niya, dakong kantidad sa kuwarta ang nawala nga unta magamit pa sa mga proyektong makahatag ug tinuod nga serbisyo sa publiko
