Usa ka homeless shelter sa Oregon, U.S. ang dili makatuo sa dihang iyahang nakit-an ang talagsaon nga sapatos sa Air Jordan sa ilang donation box! Matod sa usa ka opisyal sa Burnside Shelter, ilang nakit-an ang mga mahalong sapatos dihang ilang gihikay ang mga daan nga sinina ug sapatos nga gihulog sa ilang donation box.
Nasurprisa ang ilang mga boluntaryo sa dihang nakakita sila og usa ka parisan sa bulawan nga Air Jordan 3 sneakers. Nasayran nga “one-of-a-kind” ang maong sapatos o ang bugtong pares sa kalibutan tungod kay gi-customize kini sa sikat nga shoe designer nga si Tinker Hatfield.
Giimbitar sa Burnside Shelter si Hatfield sa ilang puy-anan aron pagsusi ug pagkumpirma sa pagkatinuod sa mga sapatos.
Gidawat ni Hatfield ang imbitasyon ug gikumpirma nga orihinal ang sapatos. Matud kay Hatfield, gindesinyo niya ang sapatos para sa direktor sa Hollywood film nga si Spike Lee.
Gisul-ob kini ni Lee sa dihang mitambong siya sa Oscar Awards niadtong 2019. Gawas sa pagkumpirma sa originality, mihatag usab si Hatfield og kahon alang sa sapatos ug usa ka framed nga pirma sa iyaha isip pamatuod nga orihinal ang maong sapatos.
Aron makabenepisyo sa Burnside Shelter gikan sa nakit-an nga sapatos, ila kining gipasubasta sa tabang sa Sotheby’s Auction House sa kantidad nga $20,000 (P1.1 million) . Kita kaya maka kita kaha tag mahalon nga sapatos nga e donate?
