Imbes nga magbantay sa ilang balay, nahimong higala pa sa usa ka kawatan ang golden retriever nga si Nash sa San Diego, California.
Wala sa balay ang tag-iya ni Nash nga si Dante Rowley ug iyang fiancée sa dihang misulod ang lalaki, apan nasubay nila ang panghitabo pinaagi sa surveillance camera.
Sa video nga gipost ni Rowley sa Facebook, makita ang suspetsado nga misaka sa koral ug nakasulod sa balay gamit ang hagdanan.
Sa dihang nakita siya ni Nash, imbes nga mo-aw-aw, gibuy-od niini ang ikog ug pipila ka higayon nga mikuha og stuffed toy aron daw imbitaron ang lalaki nga makigdula kaniya.
Apan wala makigdula ang suspetsado ug hinuon natulog kadiyot ug mikuha og pagkaon gikan sa refrigerator.
Gilayon nga gipahibalo nina Rowley ang mga pulis nga sa ilang pag-abot, malipayon usab nga gisugat ni Nash sa pultahan samtang paak-paak ang iyang dulaan.
Sa ulahi, nadakpan sa mga pulis ang lalaki sa gawas sa maong balay.
