Padayon ang pag-awhag sa gobeyrno sa Pilipinas ang mga pinoy sa Ukraine nga muuli na gobyerno sa tensyon tali sa Russia.
Matud pa ni Bombo International Correspondent Rhea Rhose Ramos sa Ukraine nga sa 280 ka mga pinoy sa Ukraine pipila lang ang miuyon sa hangyo sa gobyerno. Kini gumikan ang kasagaran nga nagdumili nga muuli tungod walay trabaho oras nga makauli sa Pilipinas.
Sa iyang bahin dili niya mabiyaan ang iyang bana nga usa ka Ukrainian national gawas pa nga bag-o lang siya nanganak.
Sa iyang pamahayag nga pwede dad-on ang asawa og bana sa Pinoy pauli sa Pilipinas apan dili abagahon sa gobyerno ang pamasahe. Matud pa ni Oleg Taibova, bana ni Rhose nga misalig sila sa ilang gobyerno gawas pa nga wala usab nagpasagad ang mga kaalyadong nasud.
Samtang mas kusgan karon ang pwersa sa gobyerno itandi sa dihang giilog sa Russia ang Crimea nga kabahin sa Ukraine.
Kahibaluan nga pila na ka higayon nga gipanghimakak sa Russia nga dili nila atakehon ang Ukraine luyo nga kapin sa 100,000 ang ilang tropa nga gideploy sa border sa maong nasud
