SARANGANI PROVINCE: Nakit-an matod pa sa pipila ka mga tawo si Dismissed Bamban Mayor Alice Guo sa miaging semana nga nagpabugnaw og nikaon ug buko halo-halo sa usa ka tourist spot sa Alabel Sarangani Province.
Sa pakighinabi sa Bombo radyo Gensan kang Tisay , upat ka tawo ang iyang nakita nga nagsakay sa motorsiklo ug ang usa niini iyang gitouhan nga mao ang kontrobersyal nga si Alice Gou.
Gibutyag niini nga adunay kauban ang nasampit nga duha ka taga Alabel ug ang usa sa iyang kauban mao matod pa si Mayor Dong Calugay.
Kahinumduman nga gihisgotan nga ‘rumored couple’ si Guo og Calugay apan wala pa kini nakumpirma.
Dihang gipakita sa Bombo Radyo ang picture ni Mayor Calugay, gikumpirma ni Tisay nga mao kini ang nakauban ni Guo sa Alta Visa.
Dugang pa niini nga nagbag-o ang itsura ni Gou tungod nagpakulay og buhok ug tag-as ang mga pilok.
Ug pipila ka higayon nga mibiya sa lugar ang gituohan nga si Guo, gilayon usab nga miabot sa lugar ang mga taga CIDG
