GENERAL SANTOS CITY – Padayong gawasnon ang Gensan ug tibuok Mindanao sa African Swine Fever o ASF.
Kini ang gibutyag ni City Veterinarian Dr. Efraim Marin, matud pa niini nga ning adlawa ang pagsugod sa quarantine checkpoints, kon asa kinahanglang walay makasulod nga karne sa ubang lugar partikular sa Luzon o kon aduna may ipasulod nga karne o live animals sa Gensan, kinahanglang adunay mga certificate.
Gibutyag ni Dr. Marin nga adunay tulo ka mga Executive Order nga napagawas ang LGU may kalabutan sa pagbatok sa ASF.
Una ang Executive Order 39, pagbutang ug mga checkpoints nga anaa sa Katangawan ug Apopong, Executive order 40 paghimo ug ASF Task Force ug ikatulo mao ang Executive 44 nga mao ang total ban sa karne ug tanang pork products gikan sa katibuk-ang isla sa Luzon hangtod nga dili pa sila mamahimong gawasnon sa ASF.
