-- ADVERTISEMENT --
Padayon ang paningkamot sa Traffic Enforcement Unit sa General Santos City sa pagpanguna ni PLt. Col. Patrich Elma aron makunhuran ang mga aksidente sa kadalanan.
Sumala sa opisyal, usa sa mga nag-unang hinungdan sa mga aksidente mao ang pagdrive nga hubog, nga kasagarang mosangpot sa disgrasya sa karsada.
Gipahinumdoman sa kapulisan ang publiko nga magmatngon ug sundon ang balaod-trapiko aron malikayan ang kadaut ug mapanalipdan ang kinabuhi sa mga motorista ug pasahero.
Nagpadayon usab ang striktong pagpapatuman sa mga balaod-trapiko ug operasyon sa kahapsay sa dalan aron maseguro ang kaluwasan sa tanan.
