Nangayo og suporta si Shon Villanueva, representante sa General Santos City sa Mr. World Philippines 2026, ngadto sa katawhan sa siyudad samtang nagpadayon ang kompetisyon sa pagpangita sa sunod nga magrepresentar sa nasud sa internasyonal nga kompetesyon .
Sa iyang mensahe, giawhag ni Villanueva ang mga residente sa General Santos City nga ipadayag ang ilang suporta pinaagi sa pag-ampo ug pagpaluyo kaniya sa maong kompetisyon. Matud pa niya, dako ang iyang garbo nga madala ang ngalan sa GenSan sa nasudnong entablado ug ipakita ang talento, disiplina ug maayong pagpakatawo sa mga Heneral.
Giingon usab ni Villanueva nga dako ang iyang pasalamat sa padayon nga suporta nga iyang nadawat gikan sa iyang pamilya, mga higala ug sa katawhan sa siyudad, nga maoy naghatag kaniya og inspirasyon aron paningkamotan ang maayong resulta sa kompetisyon.
Samtang nagkaduol ang grand coronation night sa Mr. World Philippines 2026, naglaom si Villanueva nga magpadayon ang pagsalig ug suporta sa mga General aron matabangan siyang makab-ot ang iyang pangandoy nga makadaog ug makadala og dungog sa General Santos City ug sa tibuok Soccsksargen
