GENERAL SANTOS CITY – Nanguna gihapon ang GenSan sa may labing daghang kaso sa COVID 19 sa Rehiyon 12.
Sa labing ulahing report kagabii sa Department of Health 12-Center for Health Development nga anaa na sa 751 ang kaso sa COVID 19 sa dakbayan og 236 ang padayon pang nagpaayo.
Samtang 695 sa bahin sa South Cotabato nga may 144 active cases.
Ang ikatulo nga pwesto nga mitala og daghang kaso ang Cotabato City nga may 572 ka kaso og 175 ang actives cases.
Ang ikaupat nga pwesto ang North Cotabato 215 ka kaso nga may 49 ka active cases.
Ang ikalima nga pwesto ang Sarangani 219 ka kaso og 76 ang aktibong kaso.
Ang Sultan Kudarat ang may 162 ka kaso og 17 ang actives cases.
Ang tibuok Soccsksargen Region mitala na og 2,614 ka kaso, 697 ang active cases, 81 ang patay og 1,835 ang nakarekober.
Kahibaluan nga sa report nga gipagawas kagabii 36 ang nadugang nga kaso sa COVID 19 sa rehiyon.
Samtang anaa sa 33 ang bag-ong nagmaayo human nga nagsakit sa covid 19 samtang tulo ang nadugang sa ihap sa namatay hinungdan nga misaka ang death toll sa sakit sa 81.
