Giplano ni Mayor Lorlie Pacquiao nga pabutangan ug mga kapasilongan o waiting sheds ang Antonio C. Acharon Memorial Park (ACAMP) sa General Santos City sa umaabot nga Kalag-Kalag 2026, aron hatagan ug kahupayan ang mga bisitang mobisita sa ilang mga mahal sa kinabuhi nga namatay.
Matod ni Mayor Pacquiao, nakita sa lokal nga kagamhanan nga daghang mga tawo ang nasinati og kalisod sa pagpangita og kapuy-an o kapasilongan samtang naghulat o nagpahulay sulod sa sementeryo, ilabi na panahon sa kainit sa adlaw ug ulan.
Dugang pa niya, giuna usab sa City Engineer’s Office ug sa City Environment and Natural Resources Office ang pagplano sa maong proyekto aron mahan-ay ang dalan, parking area, ug mga pasilidad sa sulod sa sementeryo.
Gipasabot sa mayor nga ang maong inisyatibo kabahin sa padayon nga modernisasyon ug pagpaayo sa mga pampublikong lugar sa Gensan, ilabi na sa panahon nga daghang mga tawo ang magtapok sama sa Undas.
Gilauman nga masugdan ang konstruksyon sa mga kapasilongan sa unang kwarter sa 2026, aron mahuman kini sa dili pa moabot ang Kalag-Kalag sa sunod tuig
