Gipakaulawan sa Philippine men’s national football team ang Maldives sa iskor nga 4-1 sa ikatulong hugna sa AFC Asian Cup 2027 Qualifiers.
Si Jefferson Tabinas maoy unang nakaiskor og goal nga iyang napuntos sulod sa 15 minutos sa duwa nga gipahigayon sa New Clark City Athletics Stadium sa Capas, Tarlac.
Human sa pipila ka minuto, nakapuntos si Bjorn Kristensen aron mahatagan ang Pilipinas og 2-0 nga bintaha sa pagtapos sa first half. Pagsulod sa ikaduhang bahin, si Ali Fasir sa Maldives miiskor sa goal sa ika-62 nga minuto aron mahimo kining 2-1.
Sa misunod nga mga minuto si Randy Schneider miiskor sa ika-77 nga minuto aron mahimo kini nga 3-1 ug sa ika-92 nga minuto si Sandro Reyes miiskor sa katapusang tumong aron maselyohan ang duwa 4-1.
Ang Pilipinas naggunit na karon og 1-0 nga labaw sa Group A diin sunod nilang ikasangka ang Tajikistan, Timor-Leste sa double-round robin.
