GENERAL SANTOS CITY – Gikumpirma ni Police Major Honorio Ani, ballistician, firearm examiner ug chemist sa Regional Forensic Unit 12 nga nakabuto ang pusil nga calibre .38 nga unang narekober duol sa patay’ng lawas ni Jazdel Gabayeron, 16 anyos nga estudyanteng unang nakit-ang patay sa usa ka payag sa Purok Malipayon, Barangay San Isidro ning dakbayan sa GenSan milabay’ng mga adlaw.
Pamahayag niini nga human ma-proseso ang crime scene, gipa-ilalom sa gun powder residue ang maong armas kung asa kini nagpositibo, pasabot nga nakabuto ang maong pusil.
Dugang pa niini nga kung ang maong pusil ang hinungdan sa kamatayon sa biktimang si Gabayeron, kini ang dili pa niya makumpirma gumikan ang resulta sa autopsy nga gipahigayon sa NBI maoy makakumpirma niini.
