GENERAL SANTOS CITY – Dili na ikakurat ang pahayag ni Sen. Antonio Trillanes batok sa unang tuig nga pangatungdanan ni Pangulong Rodrigo Duterte nga matud pa usa ka “epic failure” o bagsak.
Kini ang gibutyag ni Atty. Rogelio Garcia kon asa sumala sa nasampit, wala nakita sa senador ang daghang kausaban nga natigayon sa Duterte administrasyon tungod kaugalingon lamang niya ang gitan-aw.
Tataw nga dili makadawat si Trillanes sa mga nindot nga nahimo ni Presidente Duterte alang sa nasud.
Sumala pa ni Atty. Garcia, dili limod nga wala masumpo sa miaging mga pangulo ang dinagkong drug lords sa nasud.
Kon wala mapresidente si Duterte basin ang nasud ang gidumalahan na sa mgadrug lords.
Wala usab nakita ni Trillanes ang dakong kausaban sa ekonomiya human nga nakakuha og dolyares nga kantidad sa ayudad si Duterte sa pagbiyahe niini gikan sa ubang nasud.
Ingon usab, adunay kausaban sa pagdumala sa mga buhatan sa gobyerno human nga nagbahad ang Pangulo batok sa mga tamad nga govt. employees.
Kahibaluan nga gikatakdang magreport ang Pangulo sa mga accomplishment sa administrasyon sulod sa usa ka tuig.
