GENERAL SANTOS CITY – Nagpaklaro si Dennis Domingo, spokesperson sa Department of Social Welfare and Development Region 12 kon DWSD 12 nganong anaa lamang sa 147 ka mga rice retailers sa tibook rehiyon ang nakadawat og sustainable livelihood nga ang matag usa ang may P15,000.
Matud pa sa nasampit nga kini gumikan mao lang ang gisumiti sa Department of Trade and Industry kon DTI sa ilang opisina nga basehan sa makadawat sa maong benepisyo.
Sa iyang pamahayag nga anaa sa 19 ka mga rice retailers ang nakadawat sa maong benepisyo gikan sa GenSan og 20 sa Sarangani gikan lang sa Alabel og sa Malapatan.
Hinoon gipaklaro sa nasampit nga opisyal nga may ikaduhang hugna pa sa mga benepisyaryo ang makadawat sa maong hinabang.
Ang mga rice retailers ang gihatagan sa gobyerno og sustainable livelihood human nga gipatuman ang price cap sa mga bugas kung asa daghan ang nalugi kanila.
