GENERAL SANTOS CITY – Wala matud pay panagkita tali nilang Pangulo Rodrigo Duterte ug KAPA Founder Joel Apolinario.
Kini ang nahimong pahayag ni Gensan Mayor Ronnel Rivera human gitawagan si Senator Cristopher Bong Go ug gisayod kung nagkita ba ang duruha sa davao City una mipaingon dinhi sa dakbayan miaging adlaw aron pag witness sa pagpanghatag sa 13,000 ka land titles.
Tumong sa mayor nga matumbok ang kamatuoran human nagmagahi ang mga miyembro sa Kabus Padatuon human gipasaligan ni Apolinario nga gibawi na matud pa ni Pangulo Duterte ang unang kamandu-an nga pasiradhan ang KAPA ug ubang investment scheme.
Kahinumduman nga gikastigo ug gipamalikasan pag-ayo ni Pangulong Duterte si Apolinario human giingnan nga nagpaabut na kaniya ang impyerno.
