Gibarugan ang Department of Transportation (DOTr) nga dili kinahanglan nga hunungon ang implementasyon sa kontrobersyal nga Public Transport Modernization Program (PTMP).
Sumala ni Transportation Undersecretary Andy Ortega, subay sa final figures sa ahensya, ang nationwide consolidation rate pagkahuman sa April 30 deadline ang anaa na sa 83% nga hilabihan na ka-bastante.
Pahayag pa niini, sa ginatos ka transportation cooperatives, duha ka grupo na lang ang naga-insiste nga dili mupailawon sa konsolidasyon.
Human sa resolution nga gi-file sa mga senador alang sa suspensyon sa programa, mitubag usab si Ortega sa isyu sa pinansyal tungod gikanayong nagareklamo ang jeepney drivers og operators tungod mahal ang bayrunon sa modern jeepney units.
Sumala sa opisyal, nag-request na ang ahensya og mas daku nga budget nga P2.9 billion alang sa equity subsidies gikan sa una nga P1.3 billion nga alokasyon.
Giangkon usab niini nga sa orihinal nga P2.9 billion request sa ahensya, wala gani sa usa ka bilyon ka pesos ang giaprubahan sa Department of Budget and Management (DBM) tungod sa fiscal constraints, apan sumala sa nahisgotan, nagalaum sila nga makatabang ang Kongreso aron nga masolbad kini.
Gidugang niini nga nakig-istorya usab sila sa uban pa nga financial institutions sa paglaum nga makahatag ang mga nasangpit og dugang nga pondo alang sa transport cooperatives og corporations.
Kahibaluan nga 22 ka mga senador ang nagpirma sa Senate Resolution 1096 nga nagapanawagan sa suspension sa maong programa gawas lamang kay Senator Risa Hontiveros nga nakatakda pa magpaklaro sa iyang rason.
Ang nagpirma sa resolusyon mao silang Senate President Francis Escudero, Majority Leader Francis Tolentino, Minority Leader Koko Pimentel, Pro Tempore Jinggoy Estrada, Raffy Tulfo, Nancy Binay, Alan Peter Cayetano, Pia Cayetano, Ronald dela Rosa, JV Ejercito, Sherwin Gatchalian, Bong Go, Lito Lapid, Loren Legarda, Imee Marcos, Robinhood Padilla, Grace Poe, Bong Revilla, Joel Villanueva, Cynthia Villar, Mark Villar og Juan Miguel Zubiri.
