Dos anyos nga Bata, patay human nahulog sa naga bukal nga sabaw sa Batchoy

Naluto ang tibuok lawas sa dos anyos nga batang lalaki kinsang aksidenting nasulod sa kalderong adunay nagbukal nga sabaw sa batchoy ngadto sa Barangay Pantalan, Carles, Iloilo.

Sa imbestigasyon nasayrang gibutang sa inahan sa bata ang kaldero sa yuta human maluto ang batchoy kay giingong aduna kini laing giandam nga lutuonon apan wala kini mabantayi nga niduol ang iyang anak sa kaldero ug nasulod kini.

Daling gidala sa tambalanan ang biktima human makahiagum og fourth degree burn sa tibuok kalawasan ug human sa pipila ka adlaw namatay ang bata.