Gipasalig sa Department of Migrant Workers (DMW) na andam ang ahensiya nga tabangan ang mga Filipino nga gusto mobiya sa Lebanon tungod sa tensyon nga nasinati didto.
Matod ni DMW Secretary Hans Leo Cacdac, gapangita sa karon ang ahensiya sa posible nga lugar nga puwede dal-on ang mga Pilipino nga gustong mobiya sa maong lugar.
Gahapon, Sabado, ang DMW ug ang Overseas Workers Welfare Administration nag-abiabi sa kapin sa usa ka dosena nga mga overseas Filipino workers lakip na ang mga bata nga gipapauli gikan sa Lebanon.
Sumala ni Cacdac na ang mga niabot nga OFW kagahapon kay boluntaryong mihangyo ug repatriation ug nakadawat usab kini ug katugbang nga tabang sa gobyerno.
Gihimo ang repatriation sa mga OFW sa Lebanon sa interaksyon sa Department of Foreign Affairs (DFA).
Kaniadtong Biyernes nagpagawas ug abiso ang Philippine Embassy sa Lebanon nga kinahanglan nga biyaan ang lugar samtang abri pa ang airport.
“The Philippine Embassy in Lebanon strongly urges all Filipino citizens to leave Lebanon immediately while the airport remains operational. We advise all Filipino nationals to prioritize their safety and depart the country as soon as possible.”
Miulbo ang tensyon tali sa Hezbollah ug Israel nga nakabase sa Lebanon.
