GENERAL SANTOS CITY – Hugtanong gipanghimakak sa usa ka lalake nga nalambigit siya sa ilegal nga droga.
Ang dinakpan ang nailhan nga si Jason Tolebas, 30 anyos, residente sa Purok 13-A, Barangay Fatima ning syudad.
Nakuhaan ug druga sa gipahigayon nga buy-bust Operation sa Fil-am Road, Barangay Fatima, GenSan.
Pahayag niini nga nakurat na lamang dihang gidakop ug giposasan sa kapulisan dungan sa pagdeklara nga siya nadakpan sa buy-bust operation.
Matud sa kapulisan nga nakuhaan ug sachet sa gituohang shabu ug P500.00 nga marked money.
Una nga giangkon sa suspek nga nagagamitan kaniadto ug iligal nga droga apan wala siya namaligya niini.
Dugang niini nga target sa kapulisan ang kauban niini apan siya ang gidakop.
Gihingusgan usab niini nga dili iya ang nakumpiska nga iligal nga droga.
Natingala nalang kini dihang adunay gipakita nga shabu ang kapulisan nga nakuha gikan sa iyang posisyon.
