Nagpagawas og abiso ang Department of Interior and Local Government (DILG) sa tanang lokal nga panggamhanan nga magpatuman og preemptive evacuation og precautionary measures gumikan sa gipaabot nga ‘minor sea disturbance’ o gamay nga tsunami gumikan sa 8.7 magnitude nga linog nga miigo sa sidlakan nga baybayon sa Kamchatka, Russia.
Ang Lakip sa mga lugar kung asa temporaryong gibawal una ang pagduol sa baybayon mao ang Batanes Group of Islands, Cagayan, Isabela, Aurora, Quezon, Camarines Norte, Camarines Sur, Albay, Sorsogon, Catanduanes, Northern Samar, Eastern Samar, Leyte, Southern Leyte, Dinagag Islands, Surigao Del Norte, Surigao Del Sur, Davao Del Norte, Davao Oriental, Davao Occidental, Davao Del Sur og Davao De Oro.
Ang maong mga lugar ang mahimong maapektuhan sa tsunami nga adunay kapin sa usa ka metro ang katas-on.
