Nagpagawas ang Department of Information and Communications Technology og pahinumdom sa publiko tungod kadaghanan sa mga tawo naghandom sa Semana Santa.
Sa public statement nga giluwatan sa departamento, gipahinumdoman niini ang mga lungsuranon sa nasud nga protektahan ang ilang kaugalingon, ilabi na kung cyberspace ang hisgutan.
Diin gihatagan og gibug-aton sa DICT ang kamahinungdanon sa paghatag ug importansya sa digital well-being sa usa ka indibidwal samtang nagsaulog sa balaang mga adlaw.
Ang ilang mensahe naglakip nga kung makasugat ka og mga website nga ‘too good to be true’, gitambagan ka nila nga likayan ang pag-klik niini.
Bisan kung ipaambit ang karon nga lokasyon sa mga post sa social media, girekomenda nga hunahunaon pag-ayo sa dili pa kini ipahibalo sa publiko.
Giingon usab nila nga ang pag-post sa mga platform sa social media kinahanglan magsiguro sa pagtahod ug malinawon nga interaksyon bahin sa mga relihiyosong kalihokan.
Kalabot sa maong pahinumdom, kabahin sa ilang pamahayag ang pagtaho dayon sa ilang Cybercrime Investigation and Coordinating Center kon CICC hotline kon makasugat og kadudahang content online.
